ស្លាប់៣នាក់របួសធ្ងន់២នាក់ ក្នុងករណីជិះរថយន្តបុកដើមឈើ នៅស្រុកកំពង់សីលា
21-April-2018 | ដោយ ពលមនសិការ
ព្រះសីហនុ ៖ មនុស្ស៣នាក់បានស្លាប់និង២នាក់ទៀតបានរងរបួសធ្ងន់ត្រូវបានសាច់ញាតិបញ្ជូនទៅសង្គ្រោះបន្ទាន់បន្ទាប់ពីជួបករណីគ្រោះថ្នាក់ចរាចរណ៍រថយន្តបុកដើមឈើ។ ហេតុការណ៍គ្រោះថ្នាក់យ៉ាងរន្ធត់ខាងលើបានកើតឡើងកាលពីយប់ថ្ងៃទីថ្ងៃទី២០ ខែមេសា ឆ្នាំ២០១៨ នៅចំណុចគីឡូម៉ែត្រលេខ១២៦-១២៧ ស្ថិតក្នុងភូមិចាំស្រី ឃុំកំពង់សីលា ស្រុកកំពង់សីលា ខេត្តព្រះសីហនុ។
មន្ត្រីនគរបាលខេត្តព្រះសីហនុបានឱ្យដឹងថាមុនពេលកើតហេតុមានរថយន្តមួយគ្រឿងម៉ាកបាឡែនលេខ ភ្នំពេញ 2U-7234 បើកបរទិសដៅ ខេត្តព្រះសីហនុឆ្ពោះទៅភ្នំពេញពេលមកដល់កន្លែងកើតហេតុបានរេចង្កូតជ្រុលទៅបុកដើមឈើតាមចិញ្ចើមផ្លូវ បណ្តាលឱ្យស្លាប់៣នាក់ក្នុងចំណោមជនរងគ្រោះទាំងអស់៥នាក់ដែលជិះក្នុងរថយន្ត។
ប្រភពដដែលបន្តថាជនរងគ្រោះទី១-ឈ្មោះ សុត ចាន់ណា ភេទស្រី អាយុ៣៥ឆ្នាំ (ស្លាប់ពេលបញ្ជូនទៅមន្ទីរពេទ្យ), ទី២-ឈ្មោះ ម៉ៅ សុឃីម ភេទស្រី អាយុ២៩ឆ្នាំ (ស្លាប់ពេលបញ្ជូនទៅមន្ទីរពេទ្យ), ទី៣-ឈ្មោះ វង្ស សុភ័ណ្ឌ ភេទស្រី អាយុ២០ឆ្នាំ (ស្លាប់ពេលបញ្ជូនទៅមន្ទីរពេទ្យ)។ អ្នកស្លាប់ទាំង៣នាក់មានទីលំនៅភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ។ ទី៤-ឈ្មោះម៉ៅ សុខខេង ភេទស្រី អាយុ៣៧ឆ្នាំ (រងរបួសធ្ងន់) មានទីលំនៅភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ នឹងទី៥-ឈ្មោះ នួន ពិសី ភេទប្រុស អាយុ២៥ឆ្នាំ រងរបួសធ្ងន់ ទីលំនៅភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុ។
បច្ចុប្បន្នអ្នករបួសបានបញ្ជូនបន្តទៅសង្គ្រោះនៅមន្ទីពេទ្យភ្នំពេញ ចំណែកអ្នកស្លាប់ត្រូវបានប្រគល់ជូនក្រុមគ្រួសារធ្វើបុណ្យតាមប្រពៃណី។ ចំពោះរថយន្តយកមករក្សាទុកនៅអធិការដ្ឋាននគរបាលស្រុកកំពង់សីលា៕
ចំនួនអ្នកទស្សនា
- ថ្ងៃនេះ1331
- ម្សិលមិញ10851
- សប្តាហ៍នេះ67851
- ខែនេះ183001
- ឆ្នាំនេះ183001
- សរុប20625457